RHEOLWR Y GWEITHDY
£30,851 y flwyddyn
LLAWN AMSER, PARHAOL
Mae Theatr y Sherman, Caerdydd, yn chwilio am Reolwr Gweithdy newydd i arwain ar waith adeiladu a gorffen setiau ar gyfer ei holl gynyrchiadau. Mae’r swydd yn cwmpasu ystod eang o ddyletswyddau, a bydd angen i’r unigolyn a benodir fod yn frwdfrydig ac yn awyddus, gyda sgiliau cyfathrebu ardderchog.
Rheolwr y Gweithdy sy’n gyfrifol am reoli a darparu gwasanaethau gweithdy Theatr y Sherman yn effeithiol ac yn effeithlon. Bydd deiliad y swydd yn Rheolwr yn Adran Gynhyrchu’r cwmni, ac felly bydd disgwyl iddynt wneud cyfraniad cadarnhaol i ddatblygiad yr adran a’r Theatr. Mae Theatr y Sherman yn anelu tuag at yr ansawdd uchaf yn ei gwerthoedd cynhyrchu ac wrth ddarparu gwasanaethau gweithdy, a bydd gan ddeiliad y swydd ran allweddol yn y gwaith o gyflawni targedau ansawdd a datblygu a chynnal safonau.
Cynigir y swydd hon fel swydd lawn amser, barhaol.
Dyddiad cau: canol dydd ddydd Mawrth 06 Mai 2025
Cyfweliad: dydd Iau 15 Mai 2025
Os oes angen rhagor o wybodaeth arnoch cyn i chi wneud cais, cysylltwch â ni drwy e-bostio recruitment@shermantheatre.co.uk.
Rydyn ni wedi ymrwymo i fod yn ofod amrywiol a chynhwysol sy’n perthyn i bobl de-ddwyrain Cymru. Rydyn ni’n croesawu’n arbennig geisiadau gan gymunedau ac unigolion sydd heb gynrychiolaeth ddigonol yn ein tîm ar hyn o bryd. Rydyn ni’n aelod o’r cynllun Hyderus o ran Anabledd ac mae’r adeilad yn hygyrch, ym Mlaen y Tŷ a gefn llwyfan.
Mae pecynnau cais Cymraeg a Saesneg ar gael yn www.shermantheatre.co.uk/swyddi.
Ariennir Theatr y Sherman gan Gyngor Celfyddydau Cymru. Rydyn ni’n ymroddedig i Gyfleoedd Cyfartal ac yn Elusen Gofrestredig.
